اتحاد طلاب تجاره اسماعيليه

موقع شبابى عصرى يهتم بأخر اخبار وتطورات اتحاد طلاب كلية تجاره اسماعيليه
 
الرئيسيةالبوابةاليوميةس .و .جبحـثالمجموعاتالتسجيلدخول

شاطر | 
 

 يوميات طالب جامعى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sad bird
سنه رابعه اتحاد
سنه رابعه اتحاد
avatar

عدد المساهمات : 238
تاريخ التسجيل : 07/07/2009
العمر : 29

مُساهمةموضوع: يوميات طالب جامعى   الأربعاء يوليو 08, 2009 4:11 pm

يوميات طالب جامعى


اليوميات دى بتمثل يوميات معظم طلاب الجامعه
صحيت
الصبح - عادى يعنى زي ما أي حد بيصحى الصبح - ولبست هدومي ورحت الكلية
مستني طبعا الباشا رئيس الوزراء السواق اللي بيسوق بينا الأوتوبيس لغاية
ما جه وعلى بال ما أتدلع ووصلني أدام الكلية كان وقت المحاضرة الأولي جه
وطبعا جريت عشان أوصل قبل ما الدكتور يدخل وفضلت إني ادخل المحاضرة رغم
إني كنت ها أموت وادخل الحمام الأول والحمد لله الدكتور دخل بعدى على طول
ولسه باقعد واصبح على زميلي اللي جنبي سمعت الهتاف المدوي من الدكتور:
اللي لابس قميص اصفر يطلع بره.
فكرت كل الناس اللي لابسه كده هتطلع بره واستغربت من الطلب الغريب ده اشمعنى يعنى قميص اصفر اتاريه بيشاور نحيتى وبيقولي

- ايوة أنت اللي بتبص حواليك.
- أنا يا دكتور.......بس ده تي شيرت مش قميص وكمان لونه اخضر.
- وأنا مالي هو أنت شايفنى نقاش..المهم انك تطلع بره خلينا نبتدى المحاضرة احنا لسه ما رشيناش ميه ولا حتى قولنا ياصبح.
- خلاص ياكتور..... ياصبح.

ما
حاولتش أناقشه هوة طلعنى بره ليه... ده رئيس قسم يابا يعنى في درجه
مأمور..بس أول مره اطلع من محاضره وأنا فرحان لأني زي ما قولتكم كنت ها
موت وادخل الحمام وقولت له - في سرى طبعا - ده أنت الحمام برقبتك.

نزلت اقعد في حرم الكلية – نفسي حد يقولى سموه حرم ليه
لغاية ما المحاضرة تخلص عشان أشوف بقيه اليوم وطبعا ما منعتش نفسي إني
أرمى ودنى عشان اسمع الناس اللي كانت قاعدة في الحرم بيقولوا إيه...أهي
تسالي برضه، أول الزباين واحد ماسك ودن بنت وهاريها كلام وبيقولها:

-
استنينى حتى لو طال بينا الزمان أنا لسه ناقصلى سنتين دراسة و3سنين جيش
وسنتين على بال ما ألاقى شغل..صدقيني أنا حبي ليكى مش حب مصايف.
- ما تخفشى أنا هاستناك طول العمر وهاحارب عشانك كل اللي واقفين أدام حبنا.


لاقتنى
باقول لنفسي ( النبي تروحي تحاربي في العراق احسن بدل الهر تله اللي
بتقولوها دى وكل واحد عارف إن التانى بيكدب عليه هوة فيه حد يستنى التانى
سبع سنين ولا حتى خمستاشر يوم)


المهم
غيرت المحطة على فيلم تانى قصدي حاولت اسمع ناس تانيه لاقيت بنتين قاعدين
بيتكلموا – آسف بينموا – على واحده تالته أكيد مش موجودة في الكادر
دلوقتى: هي مش موجودة دلوقتى.



- هي البنت دى إيه اللي حاصلها من يوم من لبست الحجاب وهى معووجه
- ياستى احنه مالنا... أنا كل اللي فارسني وهيخلينى أطق من جنابي إنها
كانت لغاية قريب بتا خد منى شرايط المغنيين الجديدة دلوقتى جايبالى شرايط
شيوخ وبتقولي اسمعيهم.
- لا واللي يغيظك إنها قالتلى البس حجاب رغم إننا كنا بنروح لكوافير واحد مع بعض.
- ماتنرفزيش نفسك.. قو لتلك دى ما تستهلش .. مستشيخه فيها وفرحانه قوى .. كبري دماغك وبلاش السيرة دى.
- آه صحيح عشان ما تبقاش غيبه.. صحيح شوفتى فيلم توم كروز الجديد؟؟؟؟؟.
كنت هاصرخ فيهم أقولهم ( الله يحرقكم انتم الاتنين بعد كل ما قولتوه على البنية وهات يا تقطيع فيها لسه منتبهين إنها مش موجودة).


بصيت
في الساعة لسه الوقت مش راضى يعدى قولت أشوف ناس تانيه وفعلا لاقيت ولدين
قاعدين واحد معاه هارد كومبيوتر والتاني معاه سيديهات خمنت من المنظر ده
إن القاعدة مشبوهة وفعلا الاتنين ما خيبوش ظني واحد منهم بيقول للتانى:
- السيديهات دى جامدة قوى على ذوقك يعنى بس أوعى حد يشوفك في البيت
- لا ما تخافش هااعمل لهم كوبي وبست بس .. سهله زي شكه الدبوس.
- بعد ما تجيب الحاجات ما تنساش تتصل بصاحبتك لسه سألاني عليك امبارح.....انت قلبتها ولا إيه؟؟؟
- يا عم فكك منها دى خنقه...وبعدين أنا ماشى دلوقتى مع اللي أحلى منها ومن أمها.
- إيه ده انت شوفت أمها!!!!!!!!.
(الله يخرب بيت أبوكم هوة ده بس كل اللي بتفكروا فيه أمال مين اللي هيجاهد على كده )
طبعا أنا اللي قولت ده لنفسي برضه.

عموما
الوقت عدى وطلعت عشان احضر المحاضرة اللي بعدها كنت مش عارف ها أحضرها
ازاى خصوصا إن الدكتور ده ما بينزليش من زور – وفين الزور ده اللي ينزل
منه وهوة ما شاء الله اكس اكس لارج – من ساعة ما جه من البعثة من أمريكا وهو
مقلوب علينا رغم انه ما قعدش هناك غير سنتين يعنى ما لحقش يلقط منهم غير
كام كلمه وكام حركه وساعة ما سافر ما كانش يعرف من الإنجليزي كله غير
جملتين (
I am *****) و


(Give
me one dollar please) هوة يعنى احنه كنا اخدنا غيرهم في المدرسة راجع من
هناك قرفان من مصر والمصريين – يعنى هو ذنبها إنها طلعتك على حسابها –
عنده اعتقاد إن كلنا – كمصريين يعنى – نصابين وفهلوية وكدابين وبتوع لت
وعجن وبنحبوا نلفوا وتدوروا وما لناش كلمه – يااااااااااه كل ده شايله في
قلبك وساكت ياكبدى عليك يابنى – المهم من ساعة المحاضرة ما بدأت وهو قالب
خلقته وعنده اعتقاد إن الهباب اللي بيقوله ده مفيد وكل شويه يمارس رياضته
المفضلة انه يصطاد واحد مش واخد باله أو بيكلم اللي جنبه وهاتك يا تريقه
عليه لحد ما مسك واحد صاحبنا وقاله:

- انت بتتكلم ليه ...ما دام مش عايز تستفيد ما تحضرش وابقي احترم نفسك انت فاكر نفسك هنا في محاضره ولا في بيتكم؟؟؟؟؟؟؟؟؟؟؟؟؟
رد صاحبنا عليه - أنا أسف يا دكتور
وبصوت عالي - برضه ما جاوبتش على السؤال انت هنا في محاضره ولا في
بيتكم؟؟؟؟؟؟؟؟؟؟؟؟؟؟؟؟ اهوانتوا كده كلكم يامصريين تقعدوا تلفوا وتدوروا
وما حدش أبدا صريح ولا عملي عشان كده عمركم ما هتتقدموا اهو لولا مجانية
التعليم ما كناش شوفنا أشكال زيكم وكان زمانكم لسه بتجروا ورا عربيات الرش
في الشارع.
كنت عايز أؤكد له إني حتى بعد مجانية التعليم لسه بأجري ورا عربيات الرش بس بفضلها بقيت بأجري أسرع.

المهم
المحاضرة خلصت بعد دهر وما تبقاش غير سكشن واحد أروح بيتنا بس كان مشكلته
إن المعيد اللي بيدرسه لينا كان لسه مقدم رسالة دكتوراه واترفضت عشان كان
واخد حاجات من أبحاث ناس تانيه ومن مراجع علميه من غير ما يقول – يعنى كل
المشكلة انه يقول .. يعمل اللي هو عايزه بس يقول... يا سلام دى حاجه ولا
الأفلام – عشان كده مش بنحاول نحتك بيه ربنا يكون في عونه الراجل مرفوض له
رسالة قد الدنيا ....... ايوة يا عم ما فيش حد قدك.

هوة
بقه اللي مش راضى يبطل رزاله أول ما دخل وهو عمال يهدد ويتوعد: اللي مش
قاعد في مكانه هنقصه درجتين واللي مش كاتب اسمه على الورقة هنقصه 3 درجات
– ما فيش درجه أروح بيها – واللي مش معاه العدة بتاعته – عده تانيه غير
النوكيا اللي مع طوب الأرض – هنقصه درجتين واللي ألاقيه بيتكلم مع اللي
جنبه ذنبه على اللي جنبه وهنقصهم الاتنين درجتين
– يا قلبك كل ده حافظه لا ده انت واجب عليك تكتبه أمال هتقول الطقم ده
للأجيال القادمة ازاى ده الواحد على كده يطلع من السكشن مديون – وفات
السكشن على خير ورجعت البيت قعدت أتغدى ونمت شويه وبعدين قعدت أتفرج على
التليفزيون تانى وإذ فجأ:

- انت يابنى ربنا مش هيهديك وتقعد تذاكر لك كلمتين ينفعوك ( دى ماما طبعا اللي قالت لي كده )
- ياماما لسه ما خد ناش حاجه في الكلية عشان تتذاكر......... ماتقلقيش.
- أنا عايزاك تعملي مشاوير بالليل ......انت فاضي؟؟
- فاضي إيه يا ماما هوة أنا تاكسي؟
قلبت على قناة الأغاني شويه – يعنى ارحم نفسي حبتين – برضه الأغاني مكرره



كان الوقت بدأ يتأخر وعلى ما أظن أنا – وأعوذ بالله قولة أ ظن – جبت أخرى
و(كفاية) كده النهارده – ولا بلاش كفاية عشان في ناس بتزعل منها – ادخل
أنام ......... تصبحوا على خير.



ملاحظه

هذه اليوميات تمت للواقع بصله وطيده والشخصيات واقعيه وليست من تاليف الكاتب واى تطابق فى الاحداث ليس من قبيل الصدفه بل هو مقصود




الرجوع الى أعلى الصفحة اذهب الى الأسفل
AYA.Gh
ضيف
avatar

عدد المساهمات : 254
تاريخ التسجيل : 05/04/2009
العمر : 28
الموقع : suez

مُساهمةموضوع: رد: يوميات طالب جامعى   الأربعاء يوليو 08, 2009 9:57 pm

هههههههههههههههه لا بصراحه قريبه من الواقع
موضوع جااامد تسلم ايدك

_________________
الرجوع الى أعلى الصفحة اذهب الى الأسفل
sad bird
سنه رابعه اتحاد
سنه رابعه اتحاد
avatar

عدد المساهمات : 238
تاريخ التسجيل : 07/07/2009
العمر : 29

مُساهمةموضوع: رد: يوميات طالب جامعى   الخميس يوليو 09, 2009 3:48 pm

شكرا لمرورك ايوشه

ونورتى الموضوع

ومش عارف فى مشاهدات للموضوع بس مفيش ردو

الناس خايفه ترد ولا ايه

شكل كده المنتدى متراقب

ههههههههههههههههههههههه
الرجوع الى أعلى الصفحة اذهب الى الأسفل
yehya elmasry
سنه رابعه اتحاد
سنه رابعه اتحاد
avatar

عدد المساهمات : 252
تاريخ التسجيل : 22/06/2009
العمر : 29

مُساهمةموضوع: رد: يوميات طالب جامعى   الأحد يوليو 12, 2009 6:51 am

لا ياعم مش متراقب احنا لسه مخلصين المراقبه اللى علينا من شهر
يعنى اتكلم براحتك هه بس خد بالك القسم دا مسكون
متدخلش هنا بالليل كتير
وتوبيك اكثر من رائع
يحيى المصرى
الرجوع الى أعلى الصفحة اذهب الى الأسفل
sad bird
سنه رابعه اتحاد
سنه رابعه اتحاد
avatar

عدد المساهمات : 238
تاريخ التسجيل : 07/07/2009
العمر : 29

مُساهمةموضوع: رد: يوميات طالب جامعى   الأحد يوليو 12, 2009 5:17 pm

هههههههههههههههههههههه

ماشى يعم يحيى

ونورت الموضوع يا باشا
الرجوع الى أعلى الصفحة اذهب الى الأسفل
migo mnm
مسؤل العلاقات العامة بالاتحاد
avatar

عدد المساهمات : 765
تاريخ التسجيل : 11/05/2009
العمر : 28
الموقع : ممكن اقول اني بموووووت فيها

مُساهمةموضوع: رد: يوميات طالب جامعى   الإثنين يوليو 27, 2009 2:49 pm

ههههههههههههههههههههههه
هههههههههههههههههههههه
ههههههههههههههههههههه
لا بجد جميله اوي وعجبتني
بس هو لسه في حد بيحضر محاضرات
وجميل اوي الواد اللي عمال ياكل في ودن البت
وبجد تسلم ايدك يا معلم

_________________
تعملت فنون الحب بكل أنواع الجنون
تعلمت حين أقول نعم ... فقط من أجل العيون
الحب حرب ... وكل من قادها يا عمرى مجنون

لا تسأل من أكون ؟
أنا من كتب دستور الحب ... وأنا من وضع له قانون
الرجوع الى أعلى الصفحة اذهب الى الأسفل
sad bird
سنه رابعه اتحاد
سنه رابعه اتحاد
avatar

عدد المساهمات : 238
تاريخ التسجيل : 07/07/2009
العمر : 29

مُساهمةموضوع: رد: يوميات طالب جامعى   الإثنين يوليو 27, 2009 4:39 pm

تدوم الضحكه يا ميجو

ونورتنى ياغالى
الرجوع الى أعلى الصفحة اذهب الى الأسفل
bent bet7eb masr
أمين اللجنة الثقافية والاعلامية
avatar

عدد المساهمات : 1419
تاريخ التسجيل : 06/04/2009
العمر : 28

مُساهمةموضوع: رد: يوميات طالب جامعى   الأربعاء سبتمبر 09, 2009 9:55 am

ههههههههههههههههههههههههه
يوميات جامده
شكرا على اليوميات وفي انتظار المزيد
تقبل مروري

_________________
الرجوع الى أعلى الصفحة اذهب الى الأسفل
sad bird
سنه رابعه اتحاد
سنه رابعه اتحاد
avatar

عدد المساهمات : 238
تاريخ التسجيل : 07/07/2009
العمر : 29

مُساهمةموضوع: رد: يوميات طالب جامعى   الخميس سبتمبر 10, 2009 4:26 am

نورتى يابنت بتحب مصر
الرجوع الى أعلى الصفحة اذهب الى الأسفل
 
يوميات طالب جامعى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اتحاد طلاب تجاره اسماعيليه :: 

@ شويه فرفشة @ :: 

@ اضحك معانا @

-
انتقل الى: